Mit de krismes achter de rök sjeit d’r òs eigelik nog mèr ein denk te wachte veurdat v’r richting mit de vastelaovend kenne beginne. Auwt & Nuuj! Sjpesjaal veur deeze aovend höb v’r van de aafgeloupe vief jaor de sjoonste foto’s gesillekteierd en de leuke filmkes vaerdig gezat. Op de lèste aovend van ‘t jaor blikke v’r dao saame mit òs daames onger ‘t genot van ein hèpke en drènke op trök. Alvas ein gelökzeelig Nuujaor! en kiek oet mit ‘t aafsjtaeke van vuurwerk!
Monthly Archive for December, 2009
Twee daag veur de krismes… Mörgenaovend de nachmès, de koupaovende en verschillende krismerte vleige dich om de oore en jeederein haolt zich nog gauw de lèste paar dènger in hoes om vervolges twee daag lank toes mit de femieje oppe bank te zitte en krismes te viere. Naames de leede van Klup Kump Gout wille veer uch eine zeelige krismes wunsje! eine mit ein bietje snee waor natuurlik leuk… Wae ‘wit’!
Vandaag höb v’r weier eine jäörige in de vereiniging. Ã’s jongste lid Arno-Laurent wurt vandaag weier ein jaorke auwer! Arno-Laurent, ofsjoon-se in Doorn zit op dit momènt zulle v’r òs hiej in Zitterd toch eine op dich drènke! Gefilleseteierd mit diene verjaordaag!
Woorom v’r jeeder jaor nao de krismert in Aoke gaon blif eigelik ein raodsel… V’r zouwe naamelik ouch nao òs eige krismert in Zitterd kenne! Op ‘t Kirkplien zal op 12, 13 en van 19 pès 21 december ein richtig “Kerstfestijn Kerkplein” gehauwte waere. Aan de kefeekes of aopeningstieje zal ‘t zeeker neit ligge. Laote v’r ‘t mèr d’r op hauwte dat v’r nao vief jaor in Aoke kèndj aan hoes zeen en v’r dao noe einmaol de waeg kenne… Veer sjleite natuurlik neit oet dat geer òs in Zitterd neit ouch nog eins kent taegekomme!
Ouch in 2009 trèk Klup Kump Gout weier nao de krismert in Aoke en òngertösse kenne v’r waal zegge dat dit ein tradiese begint te waere. Daags nao pèkskesaovend -op zòndig 6 december dus- verzaamele zich ein aantal van òs leede om d’r weier eine sjoone daag (en aovend) van te maake. Wie gebruukelik zulle v’r weier alle kraomkes aafsjtruine veur ein paar leuke gèdgets en de bekende gluhwein en bratwust. Wilt geer weite wie ‘t òs bevalle is en waat v’r dit jaor weier alleney mitgemaak danwaalneit oetgehaold höbbe? Komp dan flot nog eins trök went bennekort volge de foto’s en ein gebruukelik versjlaag.
