Aafgeloupe Zondig haet weijer de limburgse middig plaatsjgevonje op ‘t oktoberfees in Zitterd. Dit waar ‘t driede jaor dat de oktoberfeesten in ziiterd plaatsjvonje, aevenals auch de limburgse middig. In saame wirking met cafe de buren höbbe veer deeze middig weijer georganiseijerd en kenne veer opnuuj trök kieke op eine fantastische daag!
De veurbereidinge veur deze Limburgse Middig waare al ein flink aantal bezig en zeen veer drök gewaes mit ‘t venje van sponsoren, ‘t boeken van de artiesten en de ganse promotie van deze middig. Dankzij de sponsoren höbbe veer veur uch weijer zo’n fien programma in ein kenne sjtevele wo bie de entree auch nog ens gratis waor. Daorom wille veer de sponsoren nogmaols hie nuime en hartelik bedanke (Milcon – ArtFood – Claessens – QManagement – Schildersbedrijf Kepper – ESPRIT Sittard).
De middig begoosj rondj ein oer of 3 mit de eesjte artiesten. Veer waare bliej dat veer eindelik de groep W-dreej oet Venlo hauwe kenne contrakteijere. Dees groep haet al versjillende hits gehad, onger angere ‘t liefleid van de oktoberfeesten ”höf de glaazer in de loch”. W-dreej brach de sjtömming al vruig drin en ginge de pölle mit beijer auch al regelmaotig de loch in. Daonao waar ‘t de beurt aan ”good-old” bruno machjerek. Deeze man haet vruiger ein aantal hits gehad, die dus veural bekend in de oore klonke van de get auwere bezuikesj.
Nao Bruno waar ‘t duo Henk en Ton van de partie. Zich brachte mit hunne kraom, cirk en anger klooterieje de sjtimmung al nao ein hoog niveau. Mit al hun hits van de janse bagge bend höbbe zie d’r veur gezörg dat de 3 letste artiesten van de middig trech kaume in ein tent die al op de kop sjtong. Kartoesj oet Lömmerich beveurbeeld leit zeen dat zie neit allein mit de vastelaovend succes höbbe, mer dat zie dus auch de luuj sjtapelgek kriege mit ‘t oktoberfees! Sjus wie kartoesj leit auch Big Benny de tent op zien grondveste sjudde. Zo wie veer van Big Benny gewend zeen leit hae auch dit keer weijer luuj oet ‘t publiek zeen eige leidjes zenge.
Last but not least waar ‘t de beurt aan de artiest dae eine moandj geleeje nog in ein bienao oetverkog Ahoy ein concert hauw gegaeve. Erwin waar natuurlik auch dit jaor weijer de publiekstrekker en zong al zien bekende leidjes. Wat neemes verwachte waar dat op ‘t letste van Erwin zien optrae, Big Benny opnuuj op ‘t podium kaum. Saame mit Erwin haet hae ein nummer gezonge en of dat neit genog waar kaum auch nog de leadzzinger van Kartoesj zich bie dit duo vougen. Mit z’n drieën höbbe zie zeker nog ein drietal leidjes gezonge. De 3 limburgse toppers zörgde hie mit veur ein geweldig sjlot veur deze toch al fantastische middig!
Veer wille alle sponsoren, artiesten, mitwirkers en bezuikersj bedanke. Veer haope uch allemaol volgend jaor weijer trök te zeen op de Limburgse Middig 2009!
Volg Kump Gout