Karten 27 Augustus 2008

Nao eine lange zomersjtop wo in wenig tot niks gebeurd is, sjtong aafgeloupe maondig weijer os eesjte oetsjtepke op ‘t programma. Veer zeen mit eine groep leede van KKG en ein delegatie van geneudigde gaon karten in Echt. Veur sommige leede waar dit karten de eesjte keer, mer veur sommige luuj auch de zoveulste keer. Dit bleek oeteindelik auch oet de ronjetieje en de oeteindelijke oetsjlaag.

Maondigaovend 8 oer stipt, hauwe veer os verzameld op ‘t tempelplein om richting echt te vertrekke. Os gezelsjap besjtong dus zo wie gezag oet leede van KKG ein ein 4-tal geneudigde om eine gesjlaagde aovend te hauwte. De organisatie (Martijn Konings) hauw fien gereserveijerd veur os op de kartbaan in Echt. In ‘t cafe höbbe veer os eesj de baan bekeeke en de luuj die veur os aan de beurt waare. Lenks en rechts woorte auch nog get tips en tricks oetgewisseld.

Om kloksjlaag 9 oer zeen de coureurs zich gaon omkleije. De euverhalle en de helmen sjtonge os gout. ‘t Leek d’r waal op of veer ein nuuje ziekehoes serie ginge opnumme, want ederein sjtong mit ein fien blauw mutsjtke oppe kop. Sommige leede kreeg auch eine flashback nao ein veurige aktiviteit van os klup. Nao ein korte oetlek van de baanmarchall ginge veer op waeg nao os karts en koosjte veer beginne.

Sommige leede waare benne no-time vertrokke en al bezig mit ‘t rieje van eine sjnelle tied, anger luuj waare eesj de baan en de kart nog aan ‘t verkenne veurdat zie zich dao mit bezig ginge hauwte. Auch waare sommige leede neit gans tevreeje euver ‘t casettedeck dat ontbrouk in de kart, en waare sommige leede nog op zuik nao de knipperleichte. Jederein reet (ich ken niks angesj van dit woord maake helaas) zich ‘t leich oet de auge en woort d’r hiej ein dao flink geduelleijerd.Nao ein heat van ongeveer 15min haet ederein zien kart weijer netjes in de pit geparkeijerd, en waare veer benuujd nao de oeteindelijke oetsjlaag.

De winnaar waar zo wie veuraaf veursjpeld os geneude gast jean-paul. Kiek veur alle tieje van alle leede, en de oetsjlaag hie onger. Veer höbbe dees aktiviteit aafgesjlaote op de mert in zitterd. ‘t waar zeker veur herhaling vatbaar….organisatie bedank en pes weijer get te doon is! (kiek in os fotobouk veur ein aantal fotos).