Helaas, ut eesjte kkg reiske zit d’r weijer op…..en wat haet jederein genoate en veural sjpas en lol gehad en gemaak! Geer zult uch waarschienlijk waal aafvroage wo veer mit z’n alle gewaes zeen, en waat v’r alleneij van aktiviteite gedoan höbbe?! Dan kent geer hie noe ein oetgebreid versjlaag laeze, en komme zo sjnel muigelik auch de foto’s en filmkes online.
Vriedich 14 juli:
Ut KKG weekend begoosj de vriedich al mit eine lekkere en oetgebreide gourmet aovend in de hoaf van os lid Luc Göttgens. Ut kemisse lid daniël moreaux hauw veur os allemoal lekker vleisj (of eigelik mee exotische gerechten) kloargemaak, en ter plekke dees hepkes gekoak veur os. Veer höbbe kikkerbilkes, garnalen, blenje vinke en get gehaks gegaete, en tiedens dit lekkere aete höbbe veer auch de jaorvergaadering gehauwte. Op dees vergaadering höbbe v’r mit z’n alle trök gekeeke noa ut aafgeloupe joar (waat eine sjoone hauf haet luc göttgens toch), en höbbe v’r ens alle hoogtepunten van dit jaor opgenuimp, en zeen v’r tot de conlcusie gekomme dat dit moeilijk wurt om dit succesvolle sezoen – wo veer versjillende prieze in de wach gesjleip hubbe – te euvertreffe, mer goan doa waal alle aan doon!
Noa aafloup van de vergaadering en ut aete, höbbe veer de eesjte hints gekreege m.b.t. ut reiske, en zeen os auch de kamerindeilingen bekend gemaak. Gezaamelik hubbe v’r nog get gedronke, en gezellig rondj de vuurkorf gezaete en noa ut ”vleigvuur” gekeeke. De kemisse hauw os aangeroaje om ut neit te laat te maake went de volgende daag moosjte v’r vruig vertrekke, en dit advies höbbe v’r dan auch opgevolg en waar ut veursjtukse al zeer gesjlaag!
Zoaterdich 15 juli:
Veer vertrokke op zoaterdich om 8.30 oere oet Zitterd. Noadat ut böske gehoald waar, en veer vanoet hoeze göttgens alleneij vertrokke zeen, kreege veer in de bös ut 2e papierke oetgereik wo op de eesjte aktiviteit te laeze waar. Doa op waar te zeen dat veer mit z’n alle ginge paintballen in Houthalen in Belsj. Deeze eesjte aktiviteit woort in ut böske al mit gejuich ontvange, aangezeen neemes van de leede dit ooit hauw gedoan, en auch dit altied waal ens hauw wille doon….Tiedens de reis höbbe veer genoate van een fien ontbijt waat daniël moreaux veur os verzörg hauw, en haet jederein sjmakelik gegaete van sjpek mit ei, breudjes, croissants, en zelfs appelvla! Noa ein urke rieje waare v’r aangekomme in ut park wo v’r os koosjte goan oetlaeve, en de film a bridge to far koosjte goan noasjpeele!
De teams waare van te veure ouch al ingedeild, en v’r waare 4 v.s 4 – blauw v.s rood – martijn/luc.b/luc.g/daniël v.s roger/ramon/ruud/robert……………
Achteraaf gezeen mesjien neit de juiste verhoudingen (dat vonj auch de marshall) mer jederein haet zich waal flink kenne oetlaeve, en zich aevekes gewaant in ein oorlogs film wie saving private konings. Veer sjpeelde tot ein oer of 3 ein flink aantal sjpelkes, wo onger team elimiminaase, sjnap de flap, besjerm de president, total eliminaase wo jederein apaart door ut veldj de res koosj goan aafsjeite. Team rood bleek goandewaeg toch get baeter te zeen in dees aktiviteit, en helaas is ut ein aantal keere veur gekomme dat ein lid van team blauw (sorry nog martijn) allein kaum te zitte, en hae haet dan auch de meiste ”schotwonde” opgeloupe.
Auch al waar team blauw mit ein duudelik versjil versjlaage, en klopde de taktiek! meistal neit, toch höbbe auch zie zich erg gout vermaak, en waar dus de eesjte aktiviteit al metein ein grandioos succes.
Nao aafloup van dees aktiviteit wo jederein al bontj en blauw waar (sommige leede zelfs rood), zeen veer vertrokke noa ozze letterlijk en figuurlijke ”thoeshaave” wo veer os koosjte goan opfrisje en aevkes goan biekomme van dit gevech. Ut formulier dat ut kemisse lid Martijn os oetdeilde (de meneijer wo op ut dit deich, doa kent henny huisman nog get van leere) waar te laeze dat veer noa Gent op waeg waare, en dat veer ginge euvernachte op eine sjloapboat! in eine haave in Gent. De boat hauw es ludieke naam ”hotel de boatel” en waar oetgerös mit 2 sjtarre, en gelaege van enkele minuute van de bennesjtad van Gent. luxer koosj neit, want doa aangekomme bleeke alle kaamesj piekfijn in orde te zeen, en dat alle kaamesj zelfs tillevisie, internet en ein minibar ter besjikking hauwe! Ut ganse hotel waar erg sfeervol ingerich, en ut terras op ut boavedek van de boat waar helemoal klasse….
Wie jederein zich om beurte hauw gedouch (dat is neit gans duudelik of dat auch in de luxe kaamer mit likbad gebeurd is), en veer os allemoal op ut zonneterras van de boat verzameld hauwe, zeen veer op waeg gegange noa de stad, om dao get te goan aete. Veer zeen nao lang zuike oetgekomme bie eine pizzeria wo veer os lekker hubbe begaaijd aan eine lekker pilske en pizza. Ongerwieles woort os op ut terras al duudlik dat ut gezellig drök waar in de stad, mer woort sommige leede auch al duudelik dat veer neit gans ”ongeschonde oet de paintball strijd” waare gekomme. De schotwonde, en de spierpien sjpeelde op, mer zo’n lekker drenkske en hepke hauw os alleneij gout gedoan. En zeen daonao dan auch de sfeer goan pruive van al die aktiviteite en podia in Gent.
Veer kaume langs alle podia wo later oppe aovend bands kaume sjpeele, mer ein lid hauw ein gout idee om ein rondvaart te gao maake mit ein beutje langs alle kaffeekes en plaetsjkes in Gent. Van oet de boat koosje veer dan zo zeen wo ut leuk waar. De chauffeur van de boat haet auch eine onvergaetelijke indruk op os gemaak (zal angesjom auch waal zeen), en haet os geprobeijerd get te vertelle euver de historie van Gent. Helaas waar dit tempo te sjnel, en neit te versjtoan, en doarom hubbe v’r os zelf mer kostelijk vermaak tiedens de rondvaart. Veural de ”spontane” mop die hae de gaste vertelde waar neit te besjrieve, en dao mot geer an auch bie zeen gewaes om dees te kenne sjnappe……zo gout waar die! (pruif geer auch get sarcastisch in dees zin?) Deeze goeie man probeijerde d’r nog mer get van te maake en vertelde os euver eine bekende vlaming dae hauw geklaag dat de rondjvaartboate neit mee mochte sjpraeke es ze langs ut hoes voorte van dem. Hae wou os neit de naam zegge, mer ein lid dach waal te weite wo dit gewaes koosj zeen, en de chauffeur haet ‘t neit ontkend (ut waar dus samson).
Nao de rondjvaart volgde ut bekende programma….veer höbbe genoate van al de luuj langs de kantj van ut water, veur al die podia mit carribische meziek, en van de lekkere coctails van de cocktail bar. Wie later ut woort, wie gezillger ut euveral waar. Veural de sfeer mit dae meziek, en lempkes waar sjiek om te zeen en mit te maake, en auch nurges get te zeen van ein akkefietje of get in dae trant. Ein deil van de groep besjloot rondj 12 oere mer ens de sjloapboat te gaon opzuike, en de anger helf is nog aevekes gebleeve. Helaas waare in de grop dae noe hoes ging waal sjus de 2 kemisse leede die precies de waeg nao ut hotel wiste, en dus haet de res mit pien en muite toch de thoeshaave kenne venje. Mit behulp van foto’s van de omgeaeving hubbe v’r luuj aangesproake, en die hubbe os bietje bie bietje veilig nao hoes kenne loodse.
Ongerwaeg höbbe v’r auch nog os succes nummer oet de optoch van 2006 ten geheure gebrach, en os nog ein belsj fritje gegaete, om gout vas te ligge op de boat.
Zondich 16 juli:
De wekker ging deeze mörge om 8 oere, en wonjer boave wonjer waar jederein precies om 9 oere present bie ut ontbijt. (waat ein discipline!)
Dit ontbijt waar erg gout verzörg door de kapitein van ut sjeep, en veer hauwe ruum de keus oet lekkere breudjes, belsje croissants, glaeske jus d’orange, en ein lekker pötje mit vruchten youghurt (helaas waar de yoghurt mit exotische vruchten vriej sjnel vergaeve). Tiedens dit ontbijt kreege veer de volgende pagina mit informaase, en hie op sjtong dat veer mit z’n alle nao ut pretpark bobbejaanland in lichtaart ginge. Ein zeer goeie keus volges alle leede, en de sjtuming zout d’r eingelik al vanaaf ut begin gout in!. Dat koosj dus neit mee fout goan.
Nao ut ontbijt woorte de koffersj ingepak, alles ingeleverd en betaald, en woort d’r nog ein bedenkske in ut gastebouk van ut sjeep gesjreeve……
Mit ut böske voorte veer nao bobbejaanland, waat helaas get langer doerde aangezeen op ein aantal kritieke plaatsje de waeg oapgebroake waar, mer door de goeie stuurmanskunsten van os lid ruud meuwissen (zonger tomtom auch nog), höbbe v’r toch rondj 12 oer ut pretpark bereik. De eesjte attracties bleeke achteraaf toch waal ut sjoonste te zeen, want de waterslide benne en boete zörgde veur de meiste sjpass en sjoonste plaetjes.
Veural auch de tornado attractie wo veer mit alle 8 de leede tegeliek in koosjte waar erg spectaculair (en naat). ein baan woos ze opens erg sjtiel nao onger veils mit ut ganse beutje, en wo eine persoon aan boord dan ouch erg de zak zou zeen. (ongergeteikende en martijn hauwe dees eer om dit te ongergoan).
Sommige attracties waare veur sommige leede net get te sjnel en te spectaculair, dat zie veur dees eer höbbe bedank, en höbbe gekeeke wie de achtbaan fanaat ruud m. gans los kaum.
Nao ut dreuge van os kleijer, en nao ein lekker breudje ginge v’r nog ein paar gout d’r taege aan in versjillende attractries. De revolution woar ouch spectaculair veur de meiste leede. Nao ein rustig begin verangerde de achtbaan opens in ein zeer sjnelle tornado, omdat ze via eine spiraal erg sjnel nao onger kaums…en veur de luuj mit heugtevrees toch bes engstig es ze in dat deipe gaat keeks!
Om ein oer of 5 waare eingelik alle leede knock-out, en hubbe v’r auch besjloate om de sjpraekwoordelijke pin drin te hauwe. Bie ut böske hubbe veer os aevekes dreug kleijer aangedaon, en op waeg gegange nao hoes. Went op ut lestste blaedje waat veer kreege, sjtong dat veer gezaamelik nog lekker ginge aete bie os ”thoesbasis” cafe de buren.
Aangekomme bie de buren, en nao ein heerlijk glaeske beijer c.q cassis, begoosj auch jederein weijer langzaam bie zien positieve te komme, en höbbe v’r dit weekend aafgesjloate mit datzelfde womit veer vriedich al waare begonne….namelik flink auw hoere!
D’r sjtong veur os ein gans 3-gangen menu kloar, en jederein haet ut zich auch gout laote sjmaake! Nao dit aete en drenke hubbe v’r os nog eine gedronke, en höbbe v’r dit gesjlaagde weekend helaas motte aafsjloete. Jederein waar ut d’r euver ens, dat de kemisse erg gout zien werk hauw gedoan, en alles waar tot in de puntjes fien veur os geregeld en verzörg!
Doamit waar jederein ut dreuver ens dat de kemisse auch volgend joar mouch aanblieve (tenminste es ze dat zelf nog wille), en hoapelik wurt ut dan aeve sjoon wie deeze keer!!!
Mit dit versjlaag en dees foto’s is ut eesjte kkg reiske 2006 dan auch officieel ten einde gekomme, en kenne v’r neit angesj concludeijere dat ut erg gesjlaag waar, en dat ut hoapelik volgend joar weijer ein vervolg krig!
Hiebiej wille v’r auch nog ens de kemisse (ruud meuwissen, daniël moreaux, martijn konings) nog ens hartelijk bedanke veur de gouwe zörge en de orginisaase van alles!!
PES VOLGEND JOAR!
Volg Kump Gout