Archive for the 'Evenementen' Category

Bènnesjtad Zitting 2010

Published on 24 January 2010 in Bènnesjtad Zitting and Vastelaovend. 0 Comments

Volgende waek is ut weijer zo wiet, dan sjteit namelijk de jaorlijkse Bènnesjtadzitting bie Cafe de buren weijer op ut program!

Auch dit jaor höbbe veer in saame wirking mit  Cafe de Buren d’r veur gezörg dat geer ein fien program mit artiste krig geprizzenteierd. De artiste die deeze daag zulle komme optrae zeen onger angere; De Toddezek, Bram & Ruud, De Shakin’ DJ’s. Frans Croonenberg, Aafsjlaag Zitterd, Richard Huwae, Thorsten von Lippe Biesterfeld en nog mee en nog mee en nog vööl mee. Ein gevarieierd program volges òs, mer ut wurt nog sjoonder…

Dees Zitting is namelijk gratis te bezuike! Geer laes ‘t gout de entree is vriej deeze daag en zeet geer dus alleney van harte wilkom om saame mit os d’r weier ein onvergaetelijke vastelaovesmiddig van te maake! De zitting zal vanaaf 11 minuute euver 12 beginne. Pès Zondig!

Limburgse Middig 2009 Daverend succes

Published on 26 October 2009 in Evenementen, Limburgse Middig and Oktoberfees. 0 Comments

En gedaverd haet ‘t zeeker… ‘t Beste van de Limburgse artiste trök ein veur ein de buun op om de paar doezend toesjouwesj te vermaake mit hun nòmmesj. Sjtadskapel ‘t Trumke en ‘t Tröötje hauwe dit jaor de eer om de aaftrap te verzörge, direk gevolg door aankommend talent Timo Janssen dae benne de eesjte paar toone drèk de sjtömming brach.

Veur ‘t muzikaal gout opgewermp publiek waor ‘t vervolges de beurt aan Henk & Ton gevolg door daames van Deja Vu en Rex & Jurgen, die mit hun Dutsje sjlaagesj ‘t publiek gout höbbe kenne vermaake. Vas op ‘t Limburgse Middig rippertoire sjtaon natuurlik Frans Theunisz en de männer van Kartoesj, die zich spesjaal veur dit gelaeg leederhoze hauwe aangetrokke.

Tot sjlot sjtòng Big “Gaef Gaas” Benny nog op ‘t program dae ‘t oetzinnige publiek ruum 90menuut haet vermaak mit zien nòmmesj. Nao ruum 8oer doerend program woorte rond de klok van neuge oer de toegesjtruimde luuj nog ein keteier lang getrakteierd op ein finaale van Big Benny en Kartoesj.

Veer danke alle toesjouwesj die d’r saame mit òs en de artiste d’r weier eine onvergaetelikke middig van gemaak höbbe. V’r haope dat geer uch gout geammezeierd höb en zeen òs gaer weier trök oppe Limburgse Middig van 2010!

Bekiek hiej de foto’s: