Klup Kump Gout

Waat is ‘t lang sjtil gewaes…

Hero — Mon, 19 Jul 2010 14:42:37 +0000

Neit te geluive. De Zeipkiste Race is allang weier achter de rok. ‘t Waor weier ein groot succes d’r is gout en sjteevig geevalueierd en de blik sjteit alweier veuroet gerich nao de race van 2011. Mer waat is ‘t lang sjtil gewaes… Messjiens waor ‘t waal De sjtilte veur de sjtorm dae v’r nog van Volendam hobbe euvergehauwte. Groot nuuts haet Klup Kump Gout in jeeder geval benaader…

Os gewaardeierd lid (saer ‘t begin) Sander zal de eesjte zeen van de vereiniging dae in ‘t huweliks beutje sjtap mit zien maedje Maud. Sander dae van 2004 pes 2008 praeses waor van os vereiniging zal trouwe op 8 september a.s. Inderdaad, de oplettende laezer hauw al gesjaote dat dae daatum oetkump op 8-9-10! Mekkelik te onthauwte dus. Es hae Maud aeve troe zal zeen es os vereiniging kent dat neit mee misse… Kump Gout! Maud & Sander veer wunsje uch heel vool gelok en plezeier saame!

Wae van de leede Sander geit volge is neit bekend… Hoogswaarsjienlik kieke die anger vriegezelle eesj aevekes ‘t kommende vriegezelle feeske aan. Waat dat feeske betruf, dao kenne en wille veer uch (nog) neit te vool vertelle. Daoveur zeen vr uch gaer nog ens trok oppe website.

Insjrieving Zittesje Zeipkiste Race geäöpend

Hero — Fri, 05 Mar 2010 19:55:47 +0000

Vanaaf vandaag is ‘t muigelik om dich in te sjrieve veur de tweede ediese van de Zittesje Zeipkiste Race dae op zondig 13 juni a.s. gehauwte wurt oppe Kolleberg. De veurbereijinge zeen al in volle gank en de eesjte aanmeljinge zeen intössje al benne! Wilt geer ouch mitdoon aan dees zeipkiste race, begin dan vandaag nog te zaege en tummere aan eur eige zeipkis en sjrief uch hiej alvas in. Wilt geer mee infermaase euver deeze daag, kiek dan veural oppe website www.zeipkis.nl.

Sjiek is miech dat carnavalskraker 2010!

luc — Thu, 11 Feb 2010 10:22:33 +0000

Gistermiddig is ut bekende leidje ”Sjiek is miech dat” van Fabrizio oet Mestreich officieel oetgroupe tot carnavalskraker 2010 op radio 3fm.

In de studio van Giel Beelen haet dit leidje mit ein meerderheid (60 procent van de sjtömme) dees wedstried gewonne. Nog veurdat dit bekend is gewoore, hauwe veer van klup kump gout deeze sjeng mit italiaans bloud al vasgelag veur de Bennesjtadzitting 2011! Sjus wie W-dreej hie onger, beteikend dit dat veer inmiddels al twee acts uch kenne prizzenteijere die volgend jaor te bewonjere zeen op de Bennesjtadzitting bie Cafe de Buren!

Ut is dus zeker de muite waerd om volgend jaor aanwezig te zeen bie dees Zitting. Veur noe, Fabrizio, proficiat mit diene kraker en pes ut volgend jaor in zitterd!

W-Dreej oet Venlo wint 34ste LVK

Hero — Sun, 07 Feb 2010 08:15:24 +0000

In ein finale mit meerdere gouw vastelaovessjlaagers haet W-Dreej aafgeloupe vriejdig (mit aafsjtand) ‘t LVK gewonne. Ein ruume meerderheid van de versjillende sjuuries gouf hun 19 punt aan W-Dreej, hun totaal 128 punte. Klup Kump Gout filleseteird W-Dreej mit hunne sjlaager ‘Vandaag’ En heisj hun alvas van harte wilkom op de bennesjtad zitting van 2011 op 20 fibberwaari wo zie ouch weier akte de présence zulle gaeve.

Vanzelfsjpraekend filleseteiere veer ouch de euverige LVK finaliste en in ‘t bezunjer de twee finaliste oet òs sjtad Trio-046, en Kartoesj!

Bènnesjtad Zitting 2010

luc — Sun, 24 Jan 2010 12:00:52 +0000

Volgende waek is ut weijer zo wiet, dan sjteit namelijk de jaorlijkse Bènnesjtadzitting bie Cafe de buren weijer op ut program!

Auch dit jaor höbbe veer in saame wirking mit Cafe de Buren d’r veur gezörg dat geer ein fien program mit artiste krig geprizzenteierd. De artiste die deeze daag zulle komme optrae zeen onger angere; De Toddezek, Bram & Ruud, De Shakin’ DJ’s. Frans Croonenberg, Aafsjlaag Zitterd, Richard Huwae, Thorsten von Lippe Biesterfeld en nog mee en nog mee en nog vööl mee. Ein gevarieierd program volges òs, mer ut wurt nog sjoonder…

Dees Zitting is namelijk gratis te bezuike! Geer laes ‘t gout de entree is vriej deeze daag en zeet geer dus alleney van harte wilkom om saame mit os d’r weier ein onvergaetelijke vastelaovesmiddig van te maake! De zitting zal vanaaf 11 minuute euver 12 beginne. Pès Zondig!

Installatie & Receptie Prins Wouter I

luc — Wed, 20 Jan 2010 14:02:02 +0000

Kommende Zaoterdig is ut zo wiet, dan wurt os KKG-lid Wouter Simons officiëel geinstaleijerd tot Stadsprins Wouter I in de sjouwburg in Zitterd! De daag d’r nao op Zondig zal de receptie plaatsjvenje wo jederein Wouter proficiat kent wunsje mit zien prinssjap.

Auch veer es Klup Kump Gout zulle hiej biej aanwezig zeen. Saame mit zien vrunj, femieje en anger aanverwanten, zulle alle leede van os vereiniging mithelpe om Wouter op ein ludieke meneijer op te brenge. Enkele leede zulle auch ein spraekende rol op zich numme en de res haet de lestige taak om veural zichzelf te speele.Veer kenne uch noe nog neit te väöl dinger verklappe, mer d’r vilt in eder geval get te lache. En wo Wouter zal versjiene? Auch dat is veur uch nog ein verrassing.

Zeet geer auch benuujd wie Wouter zal sjittere in zien Prinsepekse? en wiej hae zal opgebrach waere? Kom dan allemaol kieke Zaoterdig om 20:00 oere in de sjtadssjouwburg in Zitterd. En angesj zeen veer uch mesjien oppe prinserecpetie in de Stadbroekermeule tösje 13:00 en 15:00 oere.

Wouter Simons Sjtadsprins 2010!

Hero — Sun, 03 Jan 2010 01:12:50 +0000

En of dat eine bekende van òs is! Op 2 jannewaari is in ein vòl sirkestent Wouter Simons oetgeruipe es sjtadsprins 2010 van De Marotte Zitterd! De aansjtaonde hoogheid is al get langer lid van òs vereiniging, al zal hae dit jaor get minder tied veur òs klupke höbbe. Mèr des te mee tied höbbe veer veur haom.

Wouter, Names Klup Kump Gout filleseteire veer dich mit dien benuiming es 79e sjtadsprins van Zitterd en wunsje dich en dien femieje ein geweldig sjoon sezoen. Mèr dat Kump ongetwiefeld Gout.

Wilt geer mee weite euver de aanstjtaonde hoogheid kiek dan nao zien leede pagina op deeze site of wie geweun op zien prinsepagina oppe Marotte site.

Es geer de oetruiping én de reakse oet de tent wilt zeen en heure bekiek dan ‘t filmke van Marotte TV hiejonger.

Kamera Jean Geurts, Versjlaag Tom Jessen. Wilt geer mee filmkes zeen van de Marotte bekiek ze dan oppe sjpesjaal Marotte TV pagina.

Wilkom in 2010!

luc — Sat, 02 Jan 2010 12:00:21 +0000

Zo, dat waar dat. Haopelik zeet geer allemaol auwt en nuuj gout doorgekomme en hub geer al ein paar gouw daag in ut nuuje jaor achter de rök! 2009 lik noe definitief achter os en begaeve veer os noe in 2010. Dit jaor zal d’r ongetwiefeld weijer genog gaon gebeure; gaon veer kennismaake mit ein nuut saort vogelgriep? wurt ut nederlands elftal mesjien wereldkampioen voetbal in zuid-afrika? en waat sjteit mit de crisis te gebeure?

Allemaol belangrieke zaak, mer vanaovend sjteit minstens zo’n belangrieke gebeurtenis op ut program. In de circustent wurt namelik de nuuje stadsprins veur dit nuuje jaor bekend gemaak. Welke jong oet Zitterd zal dit jaor euveral zien opwachting maake? Is ut eine bekende van os? D’r zeen in de wandelgangen al versjillende naame genuimp mer ut blif toch altied aafwachte. Wie dan auch, veer zeen erg benuujd welke naam vanaovend genuimp geit waere. Es nao vanaovend de nuuje stadsprins van Zitterd bekend is gemaak, kenne veer in eder geval neit meer om de vastelaovend haer.

Veur KKG wurt de kommende tied auch weijer drökker. Veer zulle in eder geval auch dit jaor weijer mitlaupe mit de groote optoch. In welke hoedanigheid is nog neit bekend, mer dat veer mitdoon is zeker! Hauwt de site hiej de kommende tied in de gaate om op de heugte te blieve van de leste ontwikkelingen mit betrekking tot de vastelaovend en os vereiniging.

Auwt & Nuuj

Hero — Tue, 29 Dec 2009 16:00:35 +0000

Mit de krismes achter de rök sjeit d’r òs eigelik nog mèr ein denk te wachte veurdat v’r richting mit de vastelaovend kenne beginne. Auwt & Nuuj! Sjpesjaal veur deeze aovend höb v’r van de aafgeloupe vief jaor de sjoonste foto’s gesillekteierd en de leuke filmkes vaerdig gezat. Op de lèste aovend van ‘t jaor blikke v’r dao saame mit òs daames onger ‘t genot van ein hèpke en drènke op trök. Alvas ein gelökzeelig Nuujaor! en kiek oet mit ‘t aafsjtaeke van vuurwerk!

Eine zeelige Krismes!

Hero — Wed, 23 Dec 2009 08:00:50 +0000

Twee daag veur de krismes… Mörgenaovend de nachmès, de koupaovende en verschillende krismerte vleige dich om de oore en jeederein haolt zich nog gauw de lèste paar dènger in hoes om vervolges twee daag lank toes mit de femieje oppe bank te zitte en krismes te viere. Naames de leede van Klup Kump Gout wille veer uch eine zeelige krismes wunsje! eine mit ein bietje snee waor natuurlik leuk… Wae ‘wit’!