Klup Kump Gout

Eerepries veur KKG & CWV!

luc — Tue, 21 Feb 2012 15:00:28 +0000

Aafgeloupe zondig in de Grote Optoch haet Klup Kump Gout saame mit Club Wo-Van de Eerepries behaold mit ut idee “De bèste ploug van Zitterd”! Mit dit thema höbbe veer alvas veuroet gekeeke nao ut WK fitserenne in 2012 in Limburg. Prominente teams zo wie de gemeinte, de marotte en de flanelle lepkes höbbe zich letterlijk oet leich oet de ouge gefits om werm te dreeje veur kommende zomer. Wae neit kènt wachte op de foto’s en toch alvas de eerewimpel wilt bekieke mot nao cafe der gulden haen gaon, hiej is de pries te bewonjere. Kommende waek uiteraard meer foto’s van de optoch en de vastelaovend! Veur de ganse oetsjlaag, klik hiej oppe link om nao de website van ‘t optoch kommittee te gaon.

Yellowworks Bènnesjtadzitting

luc — Mon, 09 Jan 2012 20:46:14 +0000

Zondig 22 jannewari 2012 is ùt weijer zo wiet, dan sjteit namelijk de jaorlikse Bènnesjtadzitting bie Cafe de Buren op de merret weijer op ùt program!

Auch dit jaor höbbe veer in saame wirking mit Cafe de Buren d’r veur gezörg dat geer ein fien program mit artiste krig geprizzenteierd. De artiste die deeze daag zulle komme optrae zeen ònger angere: Frans Theunisz, Kartoesj, Fabrizio en nog mee en nog mee en nog vööl mee. Ein gevarieierd program volges òs, mer ut wurt nog sjoonder…

Dees Zitting is namelijk veur sjlechs 5 euro per persoon te bezuike! Nae? Jao! Geer laes ‘t gout: in taegesjtèlling tot väöl angere zittinge wo zulk kaliber artiste versjiene is osze entree maar 5 euro per persoon. Geer zeet dus alleney van harte wilkom om saame mit òs d’r weier eine onvergaetelijke vastelaovesmiddig van te maake!

Veurverkoup: Cafe de Buren – Markt 28 – Sittard

De zitting zal vanaaf 14 oere 11 beginne. Pès zondig de 22e!

Klup Kump Gout is jaorig!

luc — Sun, 27 Nov 2011 15:09:01 +0000

Vandaag, 27 november, viert Klup Kump Gout fees. Vandaag is os vereiniging namelijk precies 7 jaor auwt gewoore! Precies aeve zoväöl jaor geleeje, in 2004 zeen veer opgerich aan ein taofel biej kaffee de buren in zitterd. Inmidels höbbe veer al heel get memorabele momenten mitgemaak, en besjtaon veer oet 16 leede. De kommende jaore zulle veer ongetwiefeld nog mee gaon mitmaake, en kieke veer noe al oet nao os 10-jaorig jubileum in 2014!

Twee nuuj leede veur Klup Kump Gout

luc — Mon, 14 Nov 2011 18:02:18 +0000

Gister vonj oppe mert in Zitterd de jaorlijkse äöpening van ‘t nuuje Vastelaovessezoen plaatsj. Ein gout gelaeg veur KKG om hiej gebroek van te maake ein mer leifs twee nuuj leede biej de vereinigingte vraoge. Zowaal Phil Hausmanns es Jules Schols höbbe op de vroag van ozze praezes jao gezach en maake sinds gister officieel deil oet van Klup Kump Gout. Mit dit frisj blout maake veere os op veur ein ongetwiefeld drök aankommend vastelaovessezoen. Meer informaase euver os nuuje leede vendj geer bènnekort op de leedepagina’s.

Daniël Moreaux Sjöttekeuning 2011

luc — Mon, 05 Sep 2011 12:24:14 +0000

Gister haet de 37ste editie van ‘t Alternatief Vogelsjeite in Zitterd plaatsjevonje. Aan de vout van de Dominicanenwal höbbe versjillende vereiniginge gesjaote op tempex veugel om oet te maake wae dit jaor de nuuje sjöttekeunin zou waere. Klup Kump Gout waar uiteraard auch weijer present en höbbe veuraafgoand aan ‘t sjeite fien sjpèk mit ei gegaete bie ‘t keuningspaar van aafgeloupe jaor Ramon en Saskia. Nao deeze goeije baom höbbe veer veur ein onvergaetelijk défilé gezörg en de optoch door de sjtad geloupe wo zich toch nog redelijk get luuj hauwe verzameld. Nao eine sjpannende sjeitrunj wo in door eder KKG lid mit sjerp woort gesjaote waar ‘t plotseling toch ein sjeut van eine inmiddels “ervaren” sjötter dae de vogel van de sjtèk leit valle. Daniël Moreaux, de sjöttekeuning én keizer oet 2006, hauw de zenuwen ‘t bèste onger kontrole en sjoot zichzelf opnuuj tot sjöttekeuning. In de finale hauwe veer gehaup op ein vervolg oet 2006, helaas koosj hae neit veur ein stunt zörge door zich opnuuj tot keizer te sjeite. Veer wunsje Daniël in eder geval proficiat mit ziene tweede sjöttetitel, en kieke noe al oet nao ‘t culinaire sjpèk mit ei van volgend jaor!

Praezes KKG sjtap in huwelijksbeutje

luc — Mon, 15 Aug 2011 17:44:18 +0000

Aankommende zaoterdig (20-08-2011) is ‘t zo wiet, dan zal veur de tweede keer ein lid van Klup Kump Gout in ‘t huwelijksbeutje sjtappe. Nao de broelof van os lid Sander mit Maud veurig jaor, is ‘t kommend weekend de beurt aan ozze praezes Ruud Meuwissen. Hae zal op zaoterdigmiddig zien jao-woord gaeve aan Audrey, wo hae al sinds 1999 saame mit is. Ein vriewaal complete delegatie van os vereiniging zal uiteraard aanwezig zeen in de grote kirk wo de broelof zal plaatsjvenje, en nao aafloop op ‘t fees uiteraard. Veer wille toch alvas ‘t aansjtaonde broedspaar vanaaf dees plaatsj eine fiene daag wönsje, en alle gelök veur de toekoms!

Klup Kump Gout op reis in Gent

luc — Wed, 03 Aug 2011 20:26:26 +0000

Inmiddels al weijer 2 waeke geleeje is ein groot deil van os vereiniging aafgereis veur os jaorlijkse reiske nao ‘t boetelandj. Nao ein groot succes in 2006 hauw de reiskemisse besjlaote om opnuuj aaf te reize richting Belsj. De hotelbaot in Gent loug nog ummer op dezelfde plaatsj in ‘t water en deinde deze auch dees editie opnuuj es verbliefplaatsj. Ozze praezes höbbe veer verrasj, door in plaatsj van op zaoterdig, vriedigmörge al te vertrekke richting Gent. Mit meer es 10 man zeen veer Ruud smörgens op zien wirk gaon oppikke en höbbe häöm mitgenomme nao ‘t paintbal centrum in de Kelchterhoef. Hiej höbbe veer officiëel zeen vriegezelle besjtaon gevierd en häöm (nogmaols excuses ruud) letterlijk bontj en blauw gesjaote mit paintball. Nao aafloup zeen veer doorgereis richting ozze privé boot, wo veer op ‘t dèk höbbe genaote van ‘t zunke. 2 daag langk höbbe veer os oetgelaef tösje de Belsje feesgengesj op de Gentse Feeste. Veer höbbe hiej genaote van de sfeer, de meziek op ‘t water, de rondjvaart in de aovendoere en de euverheerlijke all-you-can-aet BBQ. Nao 2 gezellige, lange en vermuijende daag zeen veer op zondig trökgereis richting Zitterd en os jaorlijkse reiske aafgesjlaote. Biej films in de cinéma is de opvolger van ein film, deil 2 ein drama, in os geval waar dit absoluut neit ‘t geval! Wae wit kump d’r nog waal ein triologie aan? wae wit… Veur foto’s van os reiske, kiek in ‘t fotobouk. Veur bewaegend beeld kènt geer op os YouTube kanaal kieke of op de link Media op dees site klikke.

Benidorm Bastards in Zeepkistenrace Sittard

Hero — Wed, 20 Apr 2011 09:22:12 +0000

Ook de Zittesje Zeipkiste Race ontkomt helaas niet aan de streken van de Benidorm Bastards. Ze hebben reeds aangekondigd tegenover de organisatie dat ze zowel op jacht gaan naar de felbegeerde Silicup wisseltrofee alsook naar de notatie van de snelste tijd! Wij zijn in ieder geval benieuwd welke grappen ze zullen uithalen op de Kolleberg. Ook nieuwsgierig of deze oudjes onze overige coureurs een loer kunnen draaien? Kom dan kijken naar de Zittesje Zeipkiste Race op zondag 5 juni a.s. Niet bang voor rollator racers? Schrijf je dan vandaag nog in!

Wèn kaarte Bènnesjtad Zitting 2011

Hero — Mon, 07 Feb 2011 18:50:31 +0000

Klup Kump Gout zal via ein priesvraog 10x 2 vriekaarte besjikbaar sjtèlle veur de Bènnesjtad Zitting 2011! ‘t Program sjart om 14:11oer en zal bol sjtaon van Limburgse en Zittesje artiste. Wilt geer kans maake om kaarte te wenne? Gaef dan antjwoord op de volgende vraog:

Wie dèks haet Klup Kump Gout al ein Bènnesjtad Zitting gehauwte?

De 10 meis ludieke antjwoorde zulle gesillekteierd waere. Let op! Sjik eur antjwoord nao priesvraog@kumpgout.nl en vermeld saame mit ein ludiek antjwoord eure naam én email adres. Prieswènnesj waere via e-mail oppe heugte gesjtèld.

Bènnesjtad Zitting 2011

Hero — Fri, 28 Jan 2011 17:17:54 +0000

Op zondag 20 februari 2011 vindt de 6e traditionele Bènnesjtad zitting plaats, georganiseerd door Klup Kump Gout. Ook dit jaar staat deze zitting weer bol van de topartiesten, wat te denken van: Fabrizio, Martin en Guido van de Schintaler, Frans Theunisz, W-Dreej, Aafsjlaag Zitterd, De Marotte Zitterd en nog veel meer.

Vanaf 14.11 uur is iedereen van harte welkom bij café de Buren op de markt 28 in Sittard. De entree bedraagt slechts € 5, – p.p. De kaarten zijn verkrijgbaar bij café de Buren of bij de Marottewinkel.

Bedenk je niet te lang en haal snel die kaarten. We maken er weer een onvergetelijk feest van!