Biejnaam: 
Prins
Gebäörte daatum / Plaatsj:
23 juni 1981 Zitterd
Woonplaatsj:
Zitterd
Opleiding:
HEAO Management Economie en Recht
Wirk:
Media Sales biej A&C Media
Lid Saer:
`T begin
Funktie benne de klup:
Lid mit versjillende gouw en sjlèchte kwaliteite
Liefsjpreuk:
Kump Gout!
Favoriete Oetsjpraok:
Baeter gèt sjoons verleize, dan dat se `t noots höbs gehad.
Wo hils ze dig boete KKG ut leifste mit bezig?
Op sjtap gaon en mich gout ammerseiere mit mien vrunj. Meziek maake en loestere. Veural mit sjoon waer vènj ich `t leuk om te fitse (renfits) en te wèndjsurfe.
Dien bèste vastelaoves herinnering?
Ich höb eine ganse houp sjoon vastelaoves herinneringen euvergehauwte aan mien prinssjap in 2005. Ein van de sjoonste waar toch waal, wie ich ès prins in de kènjer- en groote optoch door Zitterd trok.
Waat vinsj doe ’t sjoonste/leukste vastelaoves leidje?
`T sjoonste vènj ich de “Prinsedruim”. `T leukste vènj ich “Kiek èns Hiej” omdat ich dit eige leidje saame mit mien vrunj höb maage zènge oppe finale van `t LVK in 2008.
Sjoonste vastelaoves traditie in zitterd?
`t geheim hauwte van en `t sjpèkeleiere nao de nuuje prins
Waat is diene favoriete Limburgse artiest/leidje?
In miene vrieje tied sjpeel ich gaer saame mit Bart ( `t sjpèk-en ei lid van KKG) meziek van Rowwen Hèze. Dat is toch waal mien favoriete Limburgse band. Veural de röstige leidjes van Rowwen Hèze vènj ich sjoon. Op dit memènt zeen mien favoriete leidjes: Blieve loepe en Vur altied is vurbeej.
Leukste aktiviteit van Klup Kump Gout?
De leukste aktiviteit die veer mit de leede van de klup pès noe toe höbbe ôngernômme vènj ich allebei de keere wie veer nao de Ardenne in Bèlsj zeen gewaes. Dao höb ich dèks boekpien gehad van `t lache! `T leukste evenement van de Klup vènj ich euverduudelik de Limburgse Middig oppe Oktoberfeeste in Zitterd. Dae middig wurt eeder jaor drökker, gezèlliger en sjoonder!
Dien sjoonste reiske waar?
`T eesjte reiske nao Hent waor ein grandioos sukses! Dao höbbe veer gout gelache en ôs gout geammeseierd. Kommènd jaor zal ich ès lid van `t jubbeleireiske dr mien uutesjte bes veur gaon doon, dit reiske te euvertrèffe.
Bèste herinnering aan de Klup?
`T beste aan Klup Kump Gout vènj ich `t feit dat veer allenèj ès vrunj bieein zeen. Natuurlik vaege veer ôs ôngerein ouch waal èns de jas oet en wurt dr waal èns gèt gevreigeld mèr daonao drènke veer ôs toch allemaol saame weier eine.
Es ze aan Zitterd dènks, dènks ze aan?
Thoes
Volg Kump Gout