Biejnaam:
Hero
Gebäörte daatum / Plaatsj:
17 augustus 1982, Zitterd
Woonplaatsj:
Zitterd
Wirk:
Ermeco
Opleiding:
HBO-CMD (Communicatie & Multimedia Design)
Lid Saer:
September 2005.
Funksie benne de klup:
Saer fibberwaari van 2008 höb ich de eer om praeses.
Liefsjpreuk:
Mòt kenne!
Favoriete Oetsjpraok:
Miene favoriete oetsjpraok is eigelik ‘t zelfde es mien liefsjpreuk… Mèr gout, Mòt kenne zulle v’r mèr zegge.
Wo hils ze dig boete KKG ut leifste mit bezig?
Boete Kump Gout en mien daageliks wirk doon ich veural vööl aan model (heli) vleige. Mountainbike en snowboard doon ich nog ens gaer in de vrieje tied en es zich ein muigelikheid veurdeit op vekans wil ich nog waal ens gaer duuke. (Leifs in de buurt van ein of anger gezònke sjeep)
Wiejer kent me mich wakker maake om in te sjtappe in ein willekeurige achbaan (waal hoger ès 10m of sneller ès 50km per oer estebleif) en bèn ich altied waal in om ein filmke te kieke in de cinema.
Dien bèste vastelaoves herinnering?
Dat is zònger twiefel ‘t moment dat ich oppe oetruipingsaovend van 2003 biej de opa en de oma op bezuik ben gegange om ze te vertelle dat ich de nuuje sjtadsprins van 2003 waor. De reakse die dao op volgde waor toch waal zo sjoon…
Waat vinsj doe ’t sjoonste/leukste vastelaoves leidje?
‘t Haw zo sjoon kenne zeen. De alòmbekénde vastelaovessjlaager oet mien prinse jaor. Gezònge door Cyriel Niël, gesjreeve door Sjohn (foom) Schmeits en gecomponeierd door Gian Prince. Ich ken ‘m druime van veur pès achter en in de achteroet.
Sjoonste vastelaoves traditie in zitterd?
Ofsjoon ‘t geheim hauwte van de nuuje prins ein sjoon tradiese is vènj ich ‘t aope hoes zeeker zo sjoon. Saame mit de intoch van de prins in de kènjeroptoch miene perseunlikke top drie.
Waat is diene favoriete Limburgse artiest/leidje?
De plaat “November” van Rowwen Heze is miene limburgse favoriet. Perseunlik venj ich ‘t nòmmer zelfs baeter dan de originele versie “Raglan Road” van Van Morrison.
Leukste aktiviteit van Klup Kump Gout?
De evenemente zeen altied ein groot sjpektakel. De Limburgse middig is intössje onbesjrieflik gewoore. Al die luuj, geweun grandijoos. De Zeipkiste race is euveriges gans angesj mèr ouch leuk om te zeen wie jeedere deilnummer daoveur zien bès deit. Van de interne aktiviteite zeen de reiskes altied erg leuk. Geweun mit de klup d’ropoet kieke waat gebeurd en vööl sjpas en plezeier belaeve.
Dien sjoonste reiske waar?
Eigelik waore alle reiskes tot noe ein hoogtepunt. ‘t eesjte reiske nao Gent waor sjiek terwiel de reis nao de ardenne veural ‘avontuurlik’ waor. Londen waor weier gans angesj en moste eigelik ouch gezeen höbbe. En Volendam is pès noe toe vööl belaovend. Ich ken eigelik neit ech keize dus.
Bèste herinnering aan de Klup?
‘t Oetsjtepke nao de krismert in 2006 is ein van de leuke herinneringe daonaeve natuurlik al die momente dat v’r weier ens flink gelache höbbe om de meis oeteinloupede denger. Me kent ze waal, die denger die me neit aan eine angere kent oetlegge of vertelle mèr die me geweun belaef mot hobbe.
Es ze aan Zitterd dènks, dènks ze aan?
Ich dènk aan toes, mien vrunj en femieje, de Groote Kirk (eesjte waat ich zeen ès ich ben opgesjtange) de sjoon sjtad wo ich gebaore ben, ein sjtad mit historie en eine houp tradieses, Kump Gout, de vastelaovend, de Marotte, Auw Prinse, de optochte, ‘t Oktoberfees en ein sjtad wo de luuj gein muigelikheid achterwaege laote om ein feeske te boewe. En neit te vergaete nog mee en nog mee en nog vööl mee…
Volg Kump Gout