En Klup Kump Gout bewaeg mit! Op 8 jannewaari numme De Marotte Zitterd de videoclip “‘t Eesjte Muulke” op. De meziek is eine remix van òs lid en nog altied Sjtadsprins Wouter I mit de zank van Sjlaager 2011 wenner Paul-Jean Jessen.
Nao eesj ein urke gerippeteierd te höbbe en eine warming up te höbbe gedaon zulle òs en de kunste van anger bekende Zitterder op video vasgelag waere mit eine heuse videoclip. Bennekort dus te zeen op Marotte TV en de regionale TV kanaale ‘t Eesjte Muulke mit mitwirking van onger angere Klup Kump Gout!
Om te beginne ein gelökzeelig nuujaor, 2011 alweier! ‘t Nuut vastelaoves sezoen sjteit weier veur de deur en de Marotte maake zich op veur de oetruiping van de nuuje prins.
Gaer kieke veer mit uch in ooze nuutsbreif alvas veuroet nao al waat komme geit. Wilt geer ‘m in ‘t vervolg leever in de mail ontvange, laot òs dat dan effekes weite via eine mail nao info@kumpgout.nl. Vööl laes plezeier, Kump Gout!
Op zóndig 14 november 2010 zal Zitterd om 13.55 oere mit ein enorm feessjpektakel ’t vastelaovessezoen äöpene. Dees äöpening zal veur de veierde keer plaatsj vènje oppe mert in Zitterd.
Veur ’t pregramóngerdeil “zèng mit dien vastelaovesidool” höbbe ein groot aantal bekènde artiste: Big Benny, Fabrizio, W-Dreej, Toddezèk en Kartoesj, zich weier bereid gevónje om mit kènjer van Zittesje basissjoole op te traeje.
Zitterd bewaeg in de vastelaovesmix
Ozze 79e sjtadsprins (en lid van Kump Gout) Wouter I, in ’t dagelijks laeve baeter bekènd es DJ “Ben Bastion”, zal in saamewirking Sjtadsvastelaovesvereiniging de Marotte zörge veur ein primeur! ’t Auwt vastelaovesnummer “ ’t eesjte muulke” oet 1979 (Jack Vahsen en Bert Coenen) is vólledig in ein nuujt jeske gesjtaoke. Dees opzwepende mix leent zich bie oetsjtèk om op te bewaege. Dit is dan ouch waat De Vlemkes en Marotte vraoge aan de jeug. In saamewirking mit de dansgróp Swentibold haope zie de ganse Zittesje mert te laote bewaege!
Wilt geer alvas rippeteiere? Kiek dan nao ‘t ongersjtaonde filmke:
De oktoberfeeste zeen weier in de sjtad! Aansjtaonde vriedig zal ‘t 6e Oktoberfees weier losbarsjte in Zitterd. Wie v’r òs höbbe laote vertelle dit jaor grooter dan ootsj.
Ouch dit jaor zal d’r weier eine Limburgse Middig georganiseierd waere in ‘t Jillz-Brand paviljoen op ‘t auwt terrein van Göttgens. Klup Kump Gout haet weier ein keur van Limburgse artiste verzaameld wo-onger Kartoesj, Henk en Ton, Frans Theunisz Vicky & Rex en Erwin.
Entree is sjus wie anger jaore GRATIS! ‘t Program sjtart vanaaf 13:00 oer.
Aafgeloupe zondig haet klup kump gout weijer mitgesjaote op ut alternatief sjöttefees in Zitterd. Tösje de raegebuuje door hubbe zittesje vereinigingen gesjaote op de veugel en ongerling eine spannende stried gevuijerd. Auch bie os waar ut opnuuj sjpannend wae de nuuje keuning zou waere en opvolger van Arno-Laurent. Dit jaor hauwe veer d’r flink get taegenaan gegooid en os gans van baove pes onger in ein nuut uniform gesjtoake. Dees editie waar veer es WOII amerikaanse soldaote te zeen en hauwe veer verwacht dat dees nuuje kostuums os sjeitcapaciteiten drastisch omgoog zou helpe. Jederein sjoot mit sjerp, mer nao ein tiedje woar ut oeteindelijk os lid Ramon dae de vogel van zien sjtekse sjoot! Nao ein aantal keere dat emes van os sjus nao of veur häöm de vogel aafsjoot, waor ut dit jaor eindelik raak! Veer felliseteijere ramon mit ziene keuningstitel en kieke al oet nao volgend jaor!
En Klup Kump Gout bewaeg mit! Op 8 jannewaari numme De Marotte Zitterd de videoclip “‘t Eesjte Muulke” op. De meziek is eine remix van òs lid en nog altied Sjtadsprins Wouter I mit de zank van Sjlaager 2011 wenner Paul-Jean Jessen.
Volg Kump Gout